二零零九年十月二十五日，星期日，晴天。

同學們都畢業喇....點解我仲會留o係度？

對將來冇信心果種心態......依然都係一樣。

二零零九年十月十九日，星期一，陰天。

呢張陪左我十幾年ge「撈架」床，終於都要換喇。

懷念住荃灣ge板間房果陣，日日都係四個人訓埋同一張床。
迫到high high，好彩我同阿哥都唔係肥，不過想轉個身都難。
時不時仲會有意外，訓訓下成個人由上格碌左落黎，痛到想喊。

搬左屋之後，呢張床就我同阿哥訓，一人一層，即時闊到high high。
阿哥搬埋出去住之外，張野就我一個人訓曬。

唔經唔覺咁就十幾年，舊ge野始終要去，唔捨得都冇辦法。

最近好似訓極都冇乜精神咁，唔知點解。

要學習接受現實，我似乎仲未學得識。

好想有返個空閒ge時間，俾我去思索下，傾訴下，發洩下....

二零零九年十月十三日，星期二，陰天。

All arround me are familiar faces, worn out places, worn out faces.

Bright and early for their daily races, going no where, going no where.

Their tears are filling up their glasses, no expression, no expression.

And I find it kind of funny, I find it kind of sad.

Mad world...

二零零九年十月四日，星期日，晴天。

今個中秋，第一次靠自己整ge冰皮
算係有個樣啦。

最近發生ge事，好多都係始料不及。

開心定唔開心都好，最緊要珍惜身邊自己擁有ge所有野

就算到頭來都係冇結果，又或者結果都係再錯一次，我都會接受到，再唔會受傷害。

錯過咁多次，人係時候要長大喇。

將所有以前難捨ge開心、難忘ge傷心，都由得佢過去啦....

「現在」同埋「將來」都有好多考驗，如果仲要帶住過去ge煩惱，咁就實在太多喇。

我要努力讀書，我要畢業，我要搵份穩定ge工，我要賺錢，我要養自己，我要養屋企人....

我唔介意到頭來自己咩都冇！！

二零零九年九月十四日，星期一，雨天。

今日終於交左IELTS個報名費，雖然話會fully refunded，不過暫時都係冇左千幾蚊。
根據econ入面，time-value of money ge原理，其實我地係有pay for呢個考試架=.=

未開學之前，intern賺返黎ge錢，其實都儲左少少。
原本諗住開學之後有返補習，就夠自己搭車食飯，同埋參加多一兩個活動，
果Ｄ錢應該都唔洗乜點郁。

不過唔知點解話咁快已經郁左好多。自己都唔係好記得Ｄ錢洗左去邊。
相信都係Ｄ寬頻費電話費書費簿費果Ｄ架喇....

沈日同阿媽去左睇傢私，睇梳化睇睡床睇衣櫃。
其實都睇岩左幾個，不過仍然未落到決定。
黎緊星期六阿媽又有休息，到時就堅係買喇。

今次阿媽話由我俾錢，佢話等到交埋我最後一次學費之後，就會慢慢俾返Ｄ錢我。
我應承左。

其實梳化都可以再慢慢計ge，至於床同衣櫃，我諗始終係我自己用ge野，要自己俾返都合理ge。
於是粗略估計，全部野加埋大概五千至六千到啦。
呢個係我夢寐以求ge一部單反相機ge價錢=.=

今年有好幾樣大支出想做。
想去study tour，想要相機，想搞grad din，last就係想同班fd去gag trip，
然後仲想預返一筆o係未搵到工之前作為洗費，粗略估計，都要十幾Ｋ。
相比之下，grad din都好似未算大，而且都真係想搞架喇。
gag trip都係一件一定會做ge事架喇。

至於相機，其實一早已經幻滅左-_-
依家整唔整返好自己果部都諗緊....

Study Tour....希望唔好太貴啦。

要努力，衝出呢個廣東省~>_<